More lakwatsa. Its More Fun in the Philippines

Hello mga ka-empi! Kamusta naman kayo? Ako, ito....gwapo pa rin. Haha! Joke lang! Ang totoo, isang buwan pa lang yata akong nagfufoodtrip...pero feeling ko ang laki na ng na-gain kong timbang. Ganda! Parang feeling ko ang bigat bigat ko na. Lumalapad ang katawan. Bumibilog ang mukha. Whew! Sarap kasing kumain. Pero ang hirap naman mag-diet! E di kain na lang ng kain. Sabi nga ng globe, go lang ng go!

Ang dami kong gala nitong weekend. Akala nila ang dami kong pera. Hahaha! Pero, laging butas ang bulsa. Pero, tipid naman ang mga gala ko. Budgeted kumbaga! Enjoy lang sa buhay hangga't humihinga pa. Kapagod magpa-stress sa buhay at mas lalong nakakapagod kapag ini-entertain mo sya. Di ba? Kaya, libangin ang sarili para hindi ma-bored!

Narito na mga kaganapan ng aking weekend! 

FRIDAY: STARCITY DAY

As usual, invited ako ng aking very own JRo (kasama si zai at ann na officemate nila), gamit ang voucher (oh, di ba sabi ko nga tipid ang mga gala). Kinita ko sila sa may metropoint tapos kumain muna bago umalis. Asar ako sa mga taxi driver na namimili. Nag-sign f*ck u ako! Bad ko! Lol!

Ang saya lang pumasok doon sa mga gulat eksena tulad ng Kilabot ng mummy. Haha! Parang tanga lang, tinatakot ang sarili. Lol!

Pero, hindi ko kayang sumakay sa star flyer, surf dance at freesbie ba tawag don? yong parang ibalibag kayo. Haha! Pakiramdam ko, lalabas mga intestine ko. Lol!

At pumasok naman kami sa snow world...lintik sa kalamigan! Pag labas ko, bigla akong sinamaan ng katawan at biglang na-haggard. Kaasar! Haha!

SATURDAY: EATINGDAY

Pagkatapos ng gala, kainan na naman. Sabi sayo e, tumataba na ako. Sino ba naman ang hindi tataba e kain ng kain. Tapos, reklamo ng reklamo na tumataba! Ang gulo lang, di ba?

Inaya kasi ako ng kaibigan ko na mag foodtrip, e di sige! Ako pa! Naalala ko noong naging lamon king ako. Hahaha! Anyways, wag ng tanungin at mahaba ang story nyan at ayaw ko ng balikan pa at maalala. Forget the past! 

moving forward.....

Ayon, kumain kami sa Antonio's Bibingka and coffee. Super BIG special pa ang inorder namin ha, at ayon, bundat na agad! Bigat sa tyan! Hahaha!

Pagkatapos niyan, punta naman kami sa Fancy Crepes, inorder ko ay mango madness nila, yong kasama ko naman ay bananutella, masarap siya! 

At dahil masuka-suka na kami sa kabusugan, nag-cha dao tea naman kami para mag relax ng konti.

SUNDAY: CLIMBING DAY

Dahil kahapon ay lamon day, ngayon naman ay patadtad ng taba day! Hahaha! Ayon sa tracker ni Kuya, nasa 3600calories ang na-burn sa aming katawan. Oh, di ba? Tadtad! E paano naman kasi, inakyat namin ang Mt. Batulao sa Nasugbu, Batangas.

Hanep sa adventure ang araw na ito dahil maulan ulan. Pero God is good dahil hindi Niya pinalakas ng husto ang ulan. Kaya, tuloy ang mountain climbing...

Dadaanan kami sa sampung campsite bago namin marating ang tuktok ng bundok. Nakikita mo yang picture na nasa gitna, yan ang inakyat namin, nag-start kami sa left na bundok, yan ang tinatawag nilang old trail. Then, paakyat doon sa pinakatuktok....pababa naman sa right side. Bago mo marating ang tuktok, ay magra-rock climbing ka.

Grabe! Sobrang nginig ang mga tuhod bago ko narating ang tuktok na iyan. Halos hindi ako makatayo sa nginig. Saka, may fear of heights din ako. Noong tumayo ako, feeling ko itutulak ako pababa. Haha! Pero, hindi ko iniinda iyan. Ang sarap kaya ng pakiramdam lalo na't makikita mo ang ganda ng likha ni Papa Jesus. Tapos yong iba, aabusuhin. Tsk! Tsk!

Anim na oras naming inakyat ang bundok na iyan, dahil puro pahinga kami at dahil na rin sa maputik na daan kaya todo ingat baka mahulog sa bangin. Madulas pa!

Salamat Jin, Lito, Xt at jason!

O sya, hanggang dito na lamang at ako'y inaantok na.

Salamat sa mga nakakasama ko simula noong friday, saturday hanggang sunday!

***salamat sa mga larawan (starcity pics and mt batulao pics)