Anghel Ni Vicky

Mag-girlfriend sila simula noong tumuntong ng high school. Napaka-sweet nilang dalawa at karamihan ay naiinggit sa kanilang ka-sweetan. Binansagan na nga silang “the perfect couple” ng buong campus. Maganda naman kasi si Vicky at gwapo din naman si Lawrence.

Pareho silang may part time job pagkatapos ng kanilang klase. Si Lawrence, sa coffee shop ng pamilya niya nagpa-part time. Si Vicky naman, sa isang botique. Graduating sila pareho. Si Lawrence, candidate for valedictorian. Si Vicky, ay candidate for salutatorian.Napaka-swerte nilang dalawa sa isa’t isa bukod sa masasaya ang kani-kanilang pamilya, ay hindi tutol sa kanilang relasyon ang kanilang mga magulang. Mahal na mahal nila ang isa’t isa. Ipinanganak sila na parehong may respeto sa isa’t isa at pinalaki ng kanilang mga magulang sa pagiging mabuting mamamayan.

Para na ngang mag-asawa ang dalawang ito e…Isang gabi, pagkatapos ng party na dinaluhan nina Lawrence at Vicky, ay hindi nila alam na ‘yon na pala ang katapusan ng pagkikita at pagsasama nilang dalawa.

Bakit?

Ito ang nangyari…Habang pauwi sila mula sa party’ng kanilang dinaluhan, si Lawrence ang nagmamaneho ng sasakyan. Habang binaybay nila ang kahabaan ng SLEX, ay masaya silang nagkikwentuhan kasama ang ibang kaklase nila. Tawanan. Tuksuhan.

Naisipan nilang magkape muna sa starbucks… pero bago nila ito narating ay may isang ten wheelers truck ang bumangga sa likuran ng kanilang sasakyan. Mabilis nagpreno si Lawrence pero huli na ang lahat. Bumangga sila sa isa pang truck na ang lulan ay puro motorsiklo.



























Maririnig mo ang ingay ng serin ng mga ambulansya. Pinalibutan ng mga pulisya ang aksidenteng naganap noong gabing iyon.

“Buhay pa, buhay pa” sambit ng isang pulis.

“Miss, miss…” sambit ng isa paramedic.

“Lawrence…”

“Si Lawrence….”

Dali dali tinanggal ng mga paramedic ang babaeng naghihingalo sa loob ng maliit na sasakyan. Duguan ang mukha nito at animo’y lantang gulay na nakasandal sa front seat.

“Lawrence…” sambit ulit ni Vicky



****itutuloy....