Anghel Ni Vicky 2

Part 1


Si Lawrence ay takang taka dahil nakikita niya si Vicky na duguan at walang malay. Nakita ang sasakyan niyang naipit sa mala-dambuhalang sasakyan. Nakita niya ang kanilang kasama na duguan ang buong katawan at wala ng buhay ang mga ito. Samantalang siya ay nakatayo sa harapan nila, nakatitig sa mukha ni Vicky na halos hindi mo makilala dahil pinaliguan ito ng dugo. Nakita niya ang kanyang pamilya na nandoon sa aksidenteng iyon, pati ang pamilya ni Vicky.

Napansin niya ang isang lalaking pinalibutan na kanyang pamilya na umiiyak habang yakap yakap ng kanyang ina. Nakita niya si Lawrence na duguan. Si Lawrence na halos wala ng buhay. Agad itong dinala sa pinakamalapit na ospital. Nagbakasakaling maisalba pa ang kanyang buhay. Iyak ng iyak ang kanya Ina. Habang si Lawrence ay nakatanaw lamang sa kanyang Ina.

“Lawrence, anak ko…gumising ka…wag mo kaming iiwan, anak ko!”

“Misis... bawal po kayong pumasok.”

“Hindi! Sasama ako!”

“Misis. Bawal po kayong pumasok”

“Lawreeennnceeee…” sigaw ng babaeng pawis na pawis.

“Vicky! Vicky!”

Nagising si Vicky na umiiyak. Niyakap ko siya.

“Tahan na…nananaginip ka na naman.” Niyakap ko siya ng mahigpit at hinalikan. Pinaparamdam sa kanya na hindi siya nag-iisa.

“Saglit lang. Kuha lang ako ng tubig.”

“You’re my angel. Thank you for saving me.”

“Wala yon, Vicky.”

Si Vicky ay nakilala ko dawalang taon na ang nakalipas, pagkatapos noong trahedya sa kanyang buhay… Tinulungang maka-recover at mawala ang lungkot sa kanyang buhay. Kahit papaano ay nagbago ito, na dati ay laging nakatitig sa kawalan. Hindi mo makakausap. Biglang umiiyak. Nagwawala.

Niyakap ko ulit siya....

"I'm just here..."