PBO 2nd outreach: Bahay ni Maria

Kamusta kaibigan? Tara, usap tayo! LOL!

Nangyari na nga ang pinakahinihintay ng lahat ng PBOers. Nagbigay na naman ng saya and this time mga Lola naman ang pasasayahin ng PBOers. 

Ito ay ang pangalawang outreach ng PBO at sa dami ng pinagpipilian na maging beneficiary. Pinagbobotohan ito ng mga officers and volunteers at ang  napiling beneficiary ay walang iba kundi ang Bahay ni Maria, sa Brgy. Sampiruhan, Calamba City. Ang tahanan na kumakalinga sa mga matatanda na walang pamilya o inaabandona. 

Noong March 30, 2013, ang grupo ay tumungo sa Bahay ni Maria upang maghatid ng saya at magbigay  ng mga regalo para sa mga Lolas at iba pang girls na nakatira sa bahay. Bukod sa PBO ay may nauna pang nagbigay saya sa mga ito noong araw na iyon. Hindi na ako magkokomento tungkol sa naunang nag-outreach, nakaka-badtrip lang sila. :)

After 2hrs, si Sister Evelyn ay nagbigay na ng "Go" signal sa mga PBOers na pwede ng i-distribute ang mga pagkain para sa mga Lola dahil gutom na ang mga ito. 

Nagsimula ang PBO mga around 3 o'clock ng hapon. Nagbigay ng mga regalo for lola's at iba pang pangangailangan nila mula ito sa mga mabubuting sponsor.

Narito ang ilang kaganapan noong March 30, 2013 sa Bahay ni Maria.

Sister Evelyn and ate Rina

Sabi ni Ate Rina. "Kuya, kuya...balik kayo ha...yong marami din kayo"

Nakikinig ng saloobin ni Lola, sabi ni Lola, mabait daw si Ate Rina - siya raw ang naglalaba ng damit ni Lola.  Noong una daw nilang pagkikita ni Ate Rina tinanong daw niya ito kung saan ang mga magulang niya. Si Ate Rina daw ay nakatingin sa bundok at tumutulo ang luha.

Kwento pa ni Lola, mabuti pa raw ang mga hindi niya kamag-anak o ibang mga tao may malasakit sa kanya/kanila pero yong kamag-anak at pamilya niya, wala! Madalas daw siyang nahuhuli ng kaibigan niyang pulis na nakatulala at umiiyak.

Sabi pa niya, yong isang Lola daw doon (yong naka-wheelchair na putol ang mga paa), kapag daw may mga gwapo na lumapit...sasabihin daw na boyfriend daw niya ito. At para sa kanya daw, sa edad nila, wala na raw dapat ganun.

At noong nagpaalam na, sabi ni Lola sa akin, malulungkot na naman ako, wala ng makausap, at maiiyak na naman ako.

Hays! Parang dinurog ang puso ko noong sinabi niya iyon....niyakap ko siya at sinabing wag na siyang malungkot dahil babalik kami para bisitahin sila.

PBOer Arline and Nutty...pinakain si Lola Binay

PBOers

Isa na namang masaya, nakakaantig sa puso, at nakakalungkot ang naranasan ng inyong lingkod. Maraming salamat na naging bahagi ulit ako sa isang mahalaga araw para magbigay saya. Maraming salamat din sa mga bagong mukha na nakasama sa outreach. Nice meeting you all!

Until next outreach... God bless! :)

**photo credit to Zai

PBO | Kawang-gawa

Magandang hapon!

Ito ay pang-apat na kawang-gawa ng inyong lingkod. Una ay noong 2010 sa Bethany Orphanage na pinangungunahan ni Chyng. Pangalawa ay noong 2011 sa Bethany ulit sa pamumuno ng IMS. Pangatlo ay noong 2012 sa The Child Haus sa pamumuno ulit ng IMS.

Ngayong 2013, nagbahagi ng kalahating araw para tumulong magpasaya sa mga bata sa pamumuno ng PBO o Pinoy Bloggers Outreach. Ginanap ito noong ika-8 ng Enero sa taong 2013 at ginanap naman ito sa White Cross Children's Home.

Na-realized ko lang na parang naging panata ko na yata ang sumali sa ganitong events. Ang mag-volunteer sa isang outreach. Minsan kailangan din nating magbahagi ng konting oras para maging masaya sila. 

Dumating kami lugar mga bandang 2pm, ilang minuto lang ang nakalipas ay nag-prepare na ang mga volunteers inayos ang mga gamit, nagdecorate ng konti. Mga ilang minuto din naglabasan na ang mga bata. 

Naglapitan ang mga bata sa mga volunteers. Parang alam na alam nila kung saan sila lalapit. Yong ibang bata, pagkalapit sayo, nagpapakandong na at hawak hawak ang kamay mo.

Iba't ibang ugali ang meron sila, may maingay, may makulit, bibo, at meron ding nasa tabi lang nakaupo. Dalawang bata ang lumapit sa akin, si Pauleen at si CJ. Si Pauleen medyo mahiyain dahil noong sinasali ko sya sa laro. Ayaw niya! Si CJ naman, gusto nyang kasama ako kaya ayon noong naglaro na ng Trip to Jerusalem, karga karga ko sya.

Mabuti na lang hindi mahirap pakainin si CJ. Naubos niya ang spaghetti. Noong inalok ko sa kanya sa fried chicken at kanin. Ayaw na niyang kumain. Masama ang tingin ni CJ sa akin noong sinabi ko, "sa akin na lang?" LOL!

Isa na namang magandang experienced ito. Nakakagaan ng loob kapag napasaya mo ang mga bata. Salamat PBO. Salamat sa mga bumubuo nito, mga sponsors, at volunteers. Sa susunod na project ulit. Kitakits! :)

Dahil ang kahulugan ng PBO ay Pinoy Bloggers Outreach.......ibahin daw sa susunod ang letrang "O" gagawin ng Pinoy Bloggers OUTING. Hahaha!

Happy weekend! Enjoy!