Nag-iimbak

Ayokong gumawa ng intro... dahil wala akong maisip na iintro. Haha! Sabihin ko na lang derecho kung anu ang nasa isip o sa utak ko ngayon. Baka kasi maglakwatsa na naman matagalan pa bago bumalik. Sino? Si utak MPoy ang tinutukoy ko. Nitong nagdaang araw parang tila wala yata akong gana mag post. Haha! Dahil wala na ring maisip na ipost,sus, di rin, tinatamad lang! Yon lang yon... nagdahilan pa e.

Nakakainggit 'yong ibang blogger na gumagawa ng series. Kayo na ang Fiction Writer! Naiinggit ako, inggitero mode na naman ako. Haha! Gusto ko ring gumawa ng ganun. Pero pag gumawa naman ako, parang nakokornihan ako sa sinusulat ko. Hahaha! Kaya, sulat + delete madalas ang ginagawa ko na ang resulta ay................. WALA ni isang natapos. Pero try ko ulit. :)

Andito lang pala ako sa kubo ngayon, hahaha! May text nga sakin kung nasa opisina raw ba ako. Sabi ko, nasa kubo lang ako. HIMALA daw at hindi ako pumasok. Nagreply siya, at napahagalpak ako ng tawa sa banat niya.

Totoo ba... kapag sa unang araw ng taon ay tinatamad ka... tatamarin ka na buong taon? Naku, wag naman sana kasi buong ENERO na akong nakaramdam ng sakit na ito. Anong sakit? KATAM diseases. Hahaha! Kayo na ang masipag!

Ang daming pumapasok sa utak MPoy ngayon ah... pero saka na lang ishare yong iba. Kasi gusto ko, sa next post ko na lang ishare.

Malapit na akong kumuta sa EB... kaladkarin talaga oo! Tsk! Hahaha. Pero enjoy naman pala ang EB... Di ba? May mga ma-meet kang iba't ibang tao (syempre alangan naman iba't ibang hayup, parang tanga lang ng pangungusap ko. tsk!), iba't ibag karakter, iba't ibang anyo (yoko sabihin ang exact word hehehe), ugali. May maingay, may tahimik at may tama lang. Lol!

Pero alam mo ba (parang trivia lang sa MRT ah), di bago sa akin ang unang impression ng mga una kong nakilala kahit noon man ay ganun din ang impression nila kay MPoy. SUPLADO. Oo, suplado si MPoy. Masungit. Tahimik. Mayabang ang dating, sabi ng iba. Kaya malamang, maiilang ka sa akin. Pero naku, wag kang maiilang. Hehehe! Kung uunahan mo kong kulitin, makipagkulitan din ako. Kung balahurain mo ko, balahurain din kita. Kung kakausapin mo ko, kakausapin din kita.

One time kasi noong may pinansin ako, e hindi ako pinansin... na-disappoint ako. Kaya, ayon.... simula noon di na ako mamamansin. Kung di mo ko papansinin, siguradong hindi rin kita papansinin. Kung papansinin mo ko, SMILE at papansinin din kita. *kindat*

Tama na yan muna.... mag meryienda muna tayo...Kain!!!

mga naimbak :D