Huling Mensahe

Para sa inyong lahat,

Kamusta naman po kayo? Nawa'y nasa mabuting kalagayan kayo at nasa maayos na pamumuhay. Magsasara na naman ang taong 2009 at bubuksan ang panibagong hamon para sa ating lahat. Sa ating paglalakbay dito sa mundo ako'y nananalangin na maging maayos at malabanan natin ang kung anumang hamon ang ibibigay Niya para sa atin. Ang hamong iyon ang siyang magbibigay ng tagumpay para sa atin lahat. At ang hamong iyon ang siya magpapatibay sa ating pagkatao.

Sa darating na kapaskuhan, ako rin po ay nananalangin na maging Maligaya ang Pasko para sa bawat isa sa atin, hindi lang para sa ating mga sarili pati na rin para sa buong Pilipinas at para sa buong mundo.

Sana, sa bagong taon na ating haharapin ay mas lalo tayong maging matatag sa mga unos at suliranin na darating sa ating buhay. At para sa ating bansa, sana ay umunlad ng konti at magkaroon ang bawat isa ng kabuhayan o source of income. Sana wala nang krimen o anumang sakuna para sa sambayanang Pilipino.

Ako rin po ay lubos na nagpapasalamat na naging bahagi (blogsphere) sa mundo ito. Nagbahagi ng konting kaalaman o opinyon na meron ang utak ko. Naging parte ng isang organisasyon dito sa mundo ito.

Ako rin po ay humihingi ng paumanhin sa hindi pagdalo bilang volunteer ng PEBA, for personal reason kung bakit hindi po ako makapagbigay serbisyo para sa PEBA. Pero gusto ko lang po malaman ninyo na masaya ako ng naging membro ng organisasyong ito. Nawa'y pagpalain po kayo ng MayKapal lalong lalo na ang founder ng PEBA, Presidente, staff at ang membro nito. Hindi ko man kayo personal na nakilala pero para sa inyo.... Maraming Salamat!

Maraming salamat din po sa mga bloggers na nakilala ko dito. Maraming Salamat!

Magsasara na po ang AJOMSL o A Journal of My Simple Life para sa taong ito. Susubukang bumalik sa susunod na taon upang magbahagi ng konting kaalaman, kwento, opinyon, tula at iba pa.

Merry Christmas and Happy New Year to all of us!

Gumagalang,

Marco Paolo