Leksyon

May mga bagay na pwedeng ikasira ng araw mo o ikasasama ng loob ng ibang tao at pati na rin ng damdamin mo. Mga bagay na ikaw rin lang ang gumawa para ikasasama ng loob nila o magkaroon ng mga hinanakit dahil sa mga nagawa mo. Isang pagkakamali na pwedeng makakasakit ng damdamin ng kapwa mo o kaya ng minamahal mo.

Mga bagay na hindi mo naisip kung ano ang magiging resulta na kung saan magiging sanhi ng pag-aaway, tampuhan, ng hindi pagkakaunawaan, at iba pa. Mga bagay na pagsisihan mo bandang huli.

Ang pagsisisi ay laging nasa huli talaga. Kaya, kung anuman ang gawin mo kailangan mo muna ng matinding pagsusuri o pagninilay-nilay kung ano ang magiging kahinatnan, kung ito ba'y tama o mali. May mga tao bang masasaktan? O magiging sanhi ba ito ng pag-aaway? ng hindi pagkakaunawaan?

Sapagkat ang mga bagay na magagawa o ginagawa mo ng hindi mo sinusuri o pinag-iisipan ay siyang sanhi ng pagkalungkot o pagkalumbay mo at minamahal mo sa buhay. Hindi mo namamalayan na sila'y nasasaktan dahil sa iyong ginagawa. Ito'y isang malaking pagkakamali na nagagawa mo na pwede mong baguhin o ituwid para hindi na mauulit kung anumang pagkakamaling iyon. At marunong umako sa kasalanang nagawa at marunong humingi ng kapatawaran upang sa ganon magiging maayos ang relasyon o samahan. Ito ang leksyon na natutunan ko ngayong araw.