Huling Hirit sa Tag-init

Buon Giorno! How are you my friends?

Pagkatapos ng Albay Escapade ko, the following week naman ay ang huling hirit ng grupo sa tag-init. Destination? Majayjay Falls, Majayjay, Laguna. Lulan ng bus patungong Sta. Cruz, Laguna ang grupo para takasan ang napakagulong lugar at mag overnight sa ilalim ng mga punong kahoy na ang tanging tulugan ay ang tent lamang. Excited dahil first time matulog sa tent at mag overnight sa mala-paraisong lugar na akala mo ay kasapi sa mga taong nandoon na hindi mo nakikita.

Pero bago marating ang lugar na ito, isang baldeng tiyaga at isang sakong patience ang pag-iipunan niyo dahil mahaba ang byahe at nakakapagod dahil apat na sakay bago mo matapakan ang lupa sa lugar na ito.

“Everything you can imagine is real.” 
― Pablo Picasso

Sakit sa pwet, nakakahilo at nakakainip pero konting tiyaga my friend dahil pagdating mo sa lugar mapapawi ang lahat ng iyong nararamdaman dahil malalanghap mo ang preskong hangin. Ang amoy ng probinsya. Ang amoy ng mga puno. 

Pagkadating sa lugar, nagpa-rehistro sa Brgy. Hall, at nag-rent ng tent (good for 5 person). Mga 20 minutes lakad mula sa Brgy. Hall bago mo marating ang Majayjay Falls. Madaming tao noong dumating ang grupo. Ang iba ay pauwi na at ang iba naman ay kakarating lang. 

Agad inassemble ni Manong ang aming munting titirhan sa lugar na iyon. Habang, kami naman ay hinahanda ang baong pagkain dahil sobrang late na kami nakarating. Pagkatapos naitayo ni Manong ang aming tent syempre with the help our group. Hehehe! Late lunch naaaaaaaaa!!!!! 

Mga bandang alas tres, umulan, medyo nararamdaman na namin ang lamig at mas lalong lumamig dahil nasa ilalim kami ng mga puno at malapit sa falls. Sarap pakinggan ang agos ng tubig mula sa Falls.

Alas kwatro ng hapon, tumungo ang grupo sa Falls at doon nagtatampisaw na parang mga bata. Sobrang lamig na tubig, I am sure....uurong ang betlog mo! Sobrang lamig talaga, yong parang may yelo at mas lalo pang lumamig dahil nga umulan noong mga oras na iyon.

Pero, hindi alintana ang lamig at patuloy na nilublob ang mainit init na katawan sa tubig. Hahaha! Nakakangatog! Pero ang sarap ng feeling. Madami pa ring naliligo sa mga oras na iyon hanggang sa sumapit na ang dilim. 

Bumalik ng tent para magbihis at mag-dinner. Pagkatapos, ang grupo ay nagsama-sama sa iisang tent. Kwentuhan. Lokohan. Tawanan. Saya!

Marami ding nag-o-overnight noong araw na iyon. Rinig na rinig ang mga boses nila na nag-iinuman sa baba. Tawanan, sigawan, ang saya nila! At may mga tanod ding nagroroving para sa kaligtasan ng mga turista. At ayon sa aking kasama, may nanakawan daw doon. 

Ang dami mong maririnig na mga nagkakantahang kulisap, palaka, ibon, at ibang iba uri ng mga insekto. Nakakita ako ng alitaptap sa labas mula sa maliit na bintana ng tent namin..ang cute nilang tingnan!

Hindi ako nakatulog noong gabi, namamahay yata ako. Hahaha! 

Umuulan pa rin noong madaling araw pero tumila siya noong umaga na at unti-unti ng nagpakita ang haring araw. Binalikan ng grupo ang Falls habang maaga pa dahil akala namin wala pang naliligo para makapag-picture ng walang sagabal pero pagdating namin doon. ABAAAAA!!!! May naliligo na! Hahaha!

Picture, picture na lang kahit may mga tao na. Bumalik sa tent ang nag-breakfast then, balik ulit sa falls para mag-swimming bago babalik sa Manila.

Bago mag-lunch time....nakabalik na ng Sta. Cruz ang grupo.

Komento ko lang sa Majayjay Falls.....madumi ang paligid, hindi siya naaalagaan ng mga locals ang lugar...yong mga basura ng mga turista, naiiwan lang doon. May mga paliguan at palikuran na hindi na nagagamit. Sayang lang! Sana ma-maintain nila ng maganda ang lugar.

That's it for now. Happy weekend!

Tara na't Byahe Tayo sa Albay

Isa ang Albay sa mga lugar na gusto kong puntahan dahil gusto kong makita ang Mayon Volcano. Hindi ko sukat akalain na makikita ko ito in person. Akala ko hanggang sa post card/picture ko lang sya masisilayan. Salamat sa pagiging bloggero ko dahil isa ito sa mga nagpapatupad ng aking mga pangarap. :) At syempre salamat din sa mga taong nakakasalamuha at nakilala ko na naging kaibigan ko na rin.

Nagkaroong ng pagkakataon na bisitahin ang Albay pagkatapos ng eleksyon. Swerte ko na rin dahil umuwi si blogger friend Jun sa Albay. Kaya, I decided to go Albay kahit solo lang sa byahe. Masaya kapag solo! Wala kang ibang iniisip kundi sarili mo.

Anyways, bago man humaba ang post na ito...narito ang ilang lugar na pinuntahan ko sa Albay.

KAWA-KAWA

Unang pinuntahan ay ang Kawa-Kawa....tinatawag siyang kawa-kawa dahil pagdating mo sa tuktok. Korte siyang kawa.

CAGSAWA Church

Next is Cagsawa Church built in 1724 and destroyed due to the eruption of Mayon Volcano, 1814.

Na-disappoint ako dahil natatabunan siya ng mga ulap. 

Legazpi Port

Mayon Volcano everywhere..

Dahil hindi na ako masasamahan ni Jun...pinuntahan ko ang Legazpi Port early in the morning. I went to seawall section. 

MAYON VOLCANO

Kinabukasan ay maagang gumising para masilayan ang Mayon Volcano na walang ulap sa paligid. I went to Legazpi Port at ayon, napa-ngiti ako dahil sobrang ganda ng nakita ko.

Present si Meng! :D

DARAGA CHURCH

At bumalik sa Daraga Church...para masilayan ulit ang Mayon na walang ulap.

Salamat Jun sa tour... Til next trip... Bye!