Kol me eMPi: fresh na fresh galing mindanao! :D

Friday, April 13, 2012

fresh na fresh galing mindanao! :D

Kamusta mga ka-empi? Anong balita? Sa ngayon talaga, hindi lang tao ang weirdo kundi pati ang panahon. Kita mo naman, summer na summer pero paminsan minsan umuulan. Sinisingil na nga ba tayo ng kalikasan? Tsk! Tsk! Kasi naman, abusado tayo e. Oh, tama na! Baka mangaral na ako. Hahaha!

Kakabalik ko lang mula sa lugar na kung saan ako ipinanganak. Naglakbay ako gamit ang pangpasaherong bus. Kakaiba ang trip na yon dahil first time kong ginawa. Mula Luzon, dumaan ng Visayas hanggang sa narating ang Mindanao. Ayon oh! Ang saya saya!

Sakit nga lang sa pwet pero enjoy dahil sa mga tanawin. Ganda mag-byahe ng solo lalo na kapag hindi mo pa kabisado kung ano ba ang mga dapat gagawin. Nakaka-excite ang ganun!

Kahit masakit sa pwet...sulit naman dahil sa mga tanawin na makikita mo along the road.

Dumaan ako ng Bicol, nag-stopover ang bus kaya ayon kuha naman ng larawan para sulit na sulit.

Bicol

Hindi ko ma-imagine na ang daan ay umaabot sa Visayas at Mindanao mula Luzon. Wow! Galing! Maraming lugar kang madadaanan kapag land trip. Dumaan din ako ng Tacloban. Badtrip nga lang! Dahil tulog ako noong dumaan kami ng San Juanico Bridge! Grrrr! Nagising ako noong lumagpas na. Kainis, di ba? Kaya wala tuloy akong kuha ng San Juanico Bridge. Bad trip! Iyon pa naman ang pinakahihintay ko sa trip na iyon! Grrrrr...

somewhere out there, Tacloban! Lol!

Ang daming nangyari sa byahe kong iyon, nakaka-badtrip pa ang driver at conductor namin dahil hindi man lang magsasabi kung pwede ba kaming bumaba dahil kakainin o mag-CR. Paghinto ng Bus, ang dalawang kumag baba na lang ng walang paalam. Makita na lang ng ibang pasahero na kumakain kaya nagsibabaan din sila. Hahaha!

Ako, from Wednesday night until Thursday ay biscuit lang ang kinain ko at tubig. Ayaw ko kumain sa labas mahirap na. Alam mo na!

Liloan Ferry Terminal
Dalawang bus na lang ang naiwan sa byahe

What to expect kapag sa Holy Week ka naglalakbay? Lalo na sa mga probinsya? May schedule ang byahe ng Ferry noong araw na iyon lalo na't Holiday. Dalawang byahe lang sila, 8am at 8pm ng Friday. E ang bus na sinakyan ko ay parang Tour Bus, mabagal pa magmaneho ang driver, at mahigit 20 stop over yata kami kaya mas lalong tumagal. At halos 40 minutes kung makastopover sa isang kainan o sa isang station. Ayon sa mga pasahero, yong ibang bus naman daw hindi ganun karaming stopover. Pero anyways, tuloy ang paglalakbay.

Pagdating namin sa Liloan, Leyte doon kami na-stranded ng isang araw. Hindi namin naabutan ang 8AM na Ferry dahil nga Tour bus ang sinakyan namin. Dumating kami sa lugar ng mga 9am or 10am. So, halos 10 hours kaming maghihintay para sa pangalawang byahe na dapat ay nakarating na kami sa Lipata Ferry Terminal at dapat ay nakauwi na ako sa lugar namin. Yong pagtawid na lang e...sa amin na e. Kainis lang, di ba?

Dahil matagal kaming maghihintay, pinaproblema ng mga pasahero ang pagkain dahil nga Holy Week. Walang bukas na mga tindahan, kung meron man bihira lang. Ayon, nagkakaisa kami. Nag-ambag ambag ng pera para bumili ng bigas at uulamin. Yong isang pasahero nag-ambag ng tinapa na dapat ay pasalubong niya raw sa asawa niya. Pero binagay niya para may makain. Ang saya lang!

Mga pasaherong nagkakaisa

Bumili ng bigas, tuyo, sardinas, at itlog. Nagluto ng malunggay nilagyan ng madaming sabaw at sinahog ang sardinas. Solb!Kainan na!

Pagsapit ng alas sais ng hapon, ito na... medyo nagkakagulo na dahil ang iba nag-iinuman pala. Nag-aaway na dahil sabi nila, nakainom "daw" yong isang driver (pero hindi naman talaga). At ayaw nilang mag-drive yong isang driver dahil lasing daw blah blah blah...

Sa loob ng bus habang minamaneho ni Manong Driver papuntang port ay nagkakagulo na naman...sigawan na, may umiyak...dahil yon nga ayaw nilang mag-drive yong isang driver dahil lasing nga raw. Tapos yong dalawang pasahero...nagsuntukan na sa loob. Grabe! Feeling ko nasa eksena ako ng pelikula na may nag-aaway sa loob ng bus. Hahaha! May sumigaw na..."Tama na! Hindi niyo ba alam na malaki ang problema ko...blah blah blah". Sabi ng isang pasahero na nakainom din, "pare pareho tayong may dalang problema."

Yong pasaherong nasa tapat ko, ang daldal (nakainom din) paulit ulit ang tanong, paulit ulit ang sinasabi...basta ang gulo noong oras na yon!

pagkain ng mga na-stranded. lol

Pero naayos din...natahimik ang mga pasahero. Hanggang sa nakarating na kami ng Lipata. Bumaba na ako ng Terminal. Kinabukasan na ako nakauwi sa amin dahil wala na ring jeep pauwi sa amin. So, overnight na lang ako sa terminal.