Paano Kung...?

Patalastas:

Suportahan natin ang lahat ng mga blogero't blogera na kalahok sa PEBA o Pinoy Expats Blog Award.

****************************

Minsan sa ating buhay akala natin kontento na tayo sa isang bagay. Akala natin masaya na tayo sa isang bagay na meron tayo. May mga bagay o mga pangarap na pilit natin inaabot at may mga plano tayo na kailangan gawin o kaya kailangan nating tuparin.

Pero minsan naguguluhan tayo sa mga plano natin kung paano natin ito sisimulan at kung alin ang uunahin natin. Ito ay minsan na nagpapalito sa ating isipan. At may mga pangarap tayo na hindi natin naabot na siyang nagpapabigo sa atin. Mga pangarap na siyang magpapasaya sa atin ayon sa ating isipan pero pakiramdam natin ay pinagkait sa atin ng tadhana.

Paano kung ikaw ay hindi na masaya sa iyong ginagawa o kaya sa trabaho? Ano kaya ang gagawin mo? Mananatili ka ba dito dahil wala kang choice? o Hahanapin mo ang bagay na magpapasaya sayo?

Ayon sa previous entry ko : "Don't try to accomplish everything at once...life can be difficult enough...Without adding frustration to the listDo travel one step at a time...and reach for one goal at a time.That's the way to find out what real accomplishment is."

Sa aking pagkakaintindi, hindi natin kailangan gawin ang lahat ng bagay na gusto natin sa isang araw lamang. Sapagkat sa pagmamadali natin maaaring tayo ay magkamali sa mga desisyon na ating gagawin. Kumbaga, dahan dahanin natin ito... may oras pa naman para sa ibang pangarap at ibang plano. Hindi kailangan na pagsabay-sabayin ang mga ito dahil sa aking palagay ito ang nagpapalito sa atin at nagbibigay frustration sa ating buhay.

Minsan naman natatakot na tayong subukan ang ibang bagay na gusto natin dahil natatakot tayong mabigo. Totoo di ba? Pero sabi nga nila, hindi ka magiging matatag o magtagumpay kung hindi mo pagdadaanan ang pagkabigo at ang paghihirap. Hirap muna bago sarap... yon yon eh!