Kakaliwa ka ba?

Sa isang relasyon, hindi na bago ang pagkakaroon ng away at ang hindi pagkakaunawaan na minsan ay nagiging sanhi ng paghihiwalayan. Kahit anong pilit na ayusin ang isang relasyon para ituwid ang mga pagkakamaling nagawa ng bawat isa pero hindi pa rin naitama ang mali na siyang dulot ng paghihiwalay. Sa paghihiwalay naman, hindi mo masasabing “ayos lang ako” o “kaya ko ‘to” o “malalampasan ko rin ‘to” dahil hindi mo pa rin talaga maiiwasan ang sakit na nararamdaman sa puso mo lalo na kapag minahal mo siya ng buo ang isang tao, na walang pag-aalinlangan o kaya sabihin nating sa kanya lang umikot ang mundo mo (parang naririnig ko na to ng ilang beses ah…).

Isa lang yan sa mga dahilan ng paghihiwalayan ng isang relasyon. Ang pinaka-sanhi ng paghihiwalay, para sa akin, ay ang pangangaliwa. Kapag nangyari na ito, malabong maayos na ang isang relasyon pero depende na rin yan kung ang isang kaperaha ay martyr talaga at minsan ay may gantihan na magaganap, maaring si babae naman ang maghahanap ng kakaibang lilibangan. Siguro para sa kin nangyayari din ito sa mag-asawa.

Sabi nga nila, “lahat naman daw ay may chances at kailangan bigyan ng pagkakataong magbago.” Pero paano kung lagi na lang niya itong ginagawa sayo? Bibigyan mo pa rin ba ng pagkakataon? Ikaw na ang makakasagot sa mga tanong na yan…

Hmmm… I know what’s in your mind, you’re thinking na kasalukuyan kong na-experience ito? It’s a big NO! NO! NO!

Anyway, this is just an opinion for what I've seen on the television. Pagdating ko kasi ng bahay galing sa trabaho lagi kong napapanood ang MY HUSBAND’S WOMAN.

Ito ay kwento ng mag-asawa na ang kanilang relasyon ay nauwi sa hiwalayan dahil na rin sa pangangaliwa ng lalaki. Kung tutuusin, isang mabuting may-bahay naman ang kanya asawa pinagluluto siya at halos lahat ginawa na ng asawa niya. Pero bakit nagawa pa rin niya mangaliwa? Hindi pa ba sapat ang ginagawa ng asawa niya? Hindi ko masagot ang tanong sapagkat wala naman ako sa sitwasyon nila at isa pa hindi naman ako ang nasa katayuan ng lalaki kaya hindi ko alam kung anu ang tamang dahilan kung bakit niya ginawa yon. Hindi ko lang lubos na maintindihan kung bakit pa siya nangangaliwa e mahal na mahal siya ng asawa niya at pinagsisilbihan samantala ang pinagpalit niya sa asawa ay hindi man lang marunong magluto (kumbaga parang pang-kama lang?).

Ngunit, nagiging magulo ang buhay ng lalaki noong ayaw niyang pumayag na magkaanak sila ng kanyang kinakasama. Dahil ba hindi pa totally divorce sa kanyang unang misis? O ayaw niya lang talaga? Kaya naman dito nasaktan ang kinakasama niya, dahil hindi niya kayang ibigay ang gusto niya at iniiwan siya nito."Bumalik ka na sa asawa mo", sabi ng babae. Siguro masasabi kong, it’s a BAD KARMA for him. Ngayon, nag-iisa na lang siya dahil iniwan na siya ng kinakasama niya. Sobrang nalungkot at pakiramdam ko magsisisi na siya.

“Ikaw ang nang-iwan noon, ikaw naman ang iiwanan ngayon.”

Hindi pa tapos actually ang kwento pero aabangan ko na lang kung ano ang ending nito. Ang masasabi ko lang, makontento na sa isa kung lahat naman ay ginagawa ng kapareha mo para matustusan ang pangangailangan mo. At matakot sa KARMA!