Eksena 104 (Feat. Manong TD)

Kahapon, nagpunta ako ng Trinoma at namili pandagdag sa mga regalo ko, kulang pa nga e. Sigh! Sabi ko kasi, unti-unti na akong mamimili para hindi mabigat sa bulsa - yon ang tip ko para di gaano magastos pag dating ng December. Dalawang damit para sa mga kids ang nabili ko at isang polo para sa akin. :)

Nag-taxi na ako pauwi ang haba kasi ng pila papuntang UP Campus. Grrr... Sa loob ng taxi si Manong Taxi Driver... Umeksena....

Manong TD: Pogi, saan tayo?

empi: Philcoa po, Manong!

Makalipas ang 10 minutes....

Manong TD: Ang lalim ng iniisip mo pogi ah...alam mo pogi, ang pag-ibig parang trapik lang yan.

empi: Ha?

Manong TD: Sa trapik kasi, kailangan mo lang ng konting pasensya at makakausad ka rin. Pag mag overtake ka dahil nagmamadali ka maaari kang madisgrasya. Tulad ng sa pag-ibig, pag masyado mong minamadali... posibleng magkamali ka at masasaktan ka lang. Kaya dahan dahan lang.

empi: Ganoon ba yon Manong?

Manong TD: Oo. Nakikita ko sa mga mata mo na malungkot ka, malalim ang iniisip.

empi: Anong konek doon sa sinasabi mo at sa akin?

Manong TD: Nakikita ko lang sa mga mata mo...(sabay tingin niya sa kin sa may salamin)

empi: Pagod lang yan Manong, wag kang OA.

Manong TD: Hindi e (ngiting nakakaloko). Wag masyadong mag-isip pogi. Pasasaan pa't magiging ok din yan. Isipin mo na lang na nasa kalsada ka at matrapik.

*tahimik*

Manong TD: Papasok pa ba tayo, pogi?

empi: Wag na po. Dyan na lang sa may Jollibee.

Manong TD: Ok.

empi: Manong oh (sabay abot ng pamasahe). Bigyan mo na lang ako ng bente.

Manong TD: Ito, pogi oh. Magiging ok din yan pogi. Nasa tamang pagkakataon lang yan.

empi: Salamat po. (sabay sara ng pintuan)

Nakakaloko si Manong TD umeeksena ng ganon. Tsk!

Naishare ko lang din... Back to work na.

Good day, guys!