SIYA na ang bahala

Ang paglubog ng araw ay napakagandang tanawin,
Minsan malungkot ito at minsan naman ay masaya,
Parang buhay ng tao,
May masayang tagpo at may malungkot.

Bawat unos ng buhay,
Bawat suliranin na kinakaharap,
Bawat pagsubok,
At bawat sakit na nararamdaman.

Ang paglubog ng araw ay nagsasabing,
Ang lahat ng dinaranas mo ay mapapawi
At lilipas lamang dahil,
Ito’y kasama sa bawat paglalakbay ng buhay.

Sinasabing h’wag kang mapagod sa iyong paglalakbay
H’wag kang sumuko sa bawat karanasan
H’wag kang panghinaan ng loob sa lahat
ng pangyayari sa iyong buhay.

Manalig ka sa Kanya
Dahil Siya ang nakakaalam ng bawat takbo ng iyong buhay
Siya ang may hawak ng lahat
Ipagpaubaya mo sa kanya ang lahat
Humingi ka ng gabay sa bawat paglalakbay.

Manalangin at gabayan ka Niya….