Kahapon

Libu-libo sa ating mga kababayan ang nakiramay sa pagkamatay ni Tita Cory. At sa kanyang huling hantungan ay libu-libo din sa mga kababayan natin ang naghatid. Hindi ko man siya lubos na kilala pero batid ko ang kanyang paggiging mabuting Ina sa kanyang mga anak, mabuting mamamayan, at isang mabuting lider para sa sambayanang Pilipino.

Kahapon, ay ginawang special non-working holiday at para sa akin nararapat lamang na siyang bigyan ng pagpapahalaga at respeto sa lahat ng kontribusyon para sa ating lahat. Siya ang tinaguriang “Ina ng Demokrasya” at isang icon.

Sa panonood ko ng telebisyon kahapon para masaksihan ko ang, para sa akin, isang malaking pagtitipon ng mga ordinaryo at nasa taas na antas ng lipunan. Pinagkaisa na naman niya ang mamamayang Pilipino. At doon ko nararamdaman ang kanyang kabutihan sa pamamagitan ng mga supporta ng ating kababayan. Ang bawat awit na inawit ng tanyag ng mang-aawit sa ating bansa ay nagpapakilabot sa akin. Mga awitin na nakatatak na sa mga puso ng Pilipino at sa kanyang pakikipaglaban.

Doon ko naramdaman ang spirit noong mga 80’s kahit pa'y wala pa akong alam sa mga panahong iyon… pero ito ay nagpaantig sa aking puso ang bawat linya ng mga awiting iyon.

“How I wish nasaksihan ko ang pagiging Pangulo niya noong mga panahong yon. She’s great!”

Sa iyo Tita Cory, maraming salamat sa pamana na iniwan mo aming lahat. Hindi man kita lubusang kilala sa iyong pamumuno pero sa pinakita ng sambayanang Pilipino ay batid ko ang kabutihan ng iyong puso. Maraming Salamat po!